Fifa yaidhinisha nafasi mpya za Afrika Kombe la Dunia

Image captionKuwepo kwa timu 48 ilikua ni moja ya ahadi ya Gianni Infantino katika kampeni zake

Baraza la Shirikisho la Soka Duniani (FIFA) limeidhinisha uamuzi wa kulipatia bara la Afrika nafasi tisa timu zinazoshiriki fainali za Kombe la Dunia zitakapoongezwa na kuwa 48 mwaka 2026.

Hatua hiyo iliidhinishwa Jumatano nchini Bahrain.

Bara la Afrika kwa sasa huwa na nafasi tano pekee.

• FIFA yaidhinisha kuwepo timu 48 kombe la dunia

• Fifa kuanza kutumia Video michezoni

Taifa la kumi kutoka Afrika litashiriki katika michuano ya muondoano ya kufuzu, itakayoshirikisha nchi sita, kuamua atakayefaidi kutokana na nafasi mbili za ziada.

Baraza la Fifa lilitangaza pendekezo lake la kwanza kuhusu mpango wa kugawa nafasi hizo 48 tarehe 30 Machi.

Image captionHatua ya nyongeza ya timu hizo inatajwa kama sababu mojawapo ya kuonekana kwa nchi ambazo zilikuwa hazipati nafasi

Nafasi mpya zitajazwa vipi?

Afrika - 9 kutoka timu za awali 5

Asia - 8 kutoka timu 4 za awali

Ulaya - 16 kutoka timu 13 za awali

Marekani ya Kaskazini, Kati na Caribbean - 6 kutoka timu 4 za awali

Bara la Oceania - 1 kutoka timu 1 ya awali

Amerika ya Kaskazini - 6 kutoka timu 4 za awali

Historia ya Mabadiliko Kombe la Dunia

Kombe la Dunia	Timu
1930 Uruguay	13
1934 Italia	16
1950 Brazil	13
1954 Uswizi	16
1958 Sweden	16
1974 Ujerumani Magharibi	16
1982 Uhispania	24
1986 Mexico	24
1998 Ufaransa	32

Tuma picha/ habari what-sap 0769436440

BONYEZA HAPA KUPATA APP YA 4SN NEWS

tupe maoni yako

Pakua App Yetu-Bofya Hapa

TOA MAONI YAKO HAPA CHINI