Kiir akubali wanajeshi wa UN watumwe Juba, Sudan Kusini

Mshirikishe mwenzako

Image copyrightAFP

Image captionWanajeshi hao wapya watatoka Ethiopia, Kenya, Rwanda, Sudan na Uganda

Rais wa Sudan Kusini hatimaye amekubali kikosi cha ziada cha wanajeshi wa kulinda amani kitumwe nchini humo.

Rais Salva Kiir alichukua hatua hiyo baada ya kufanya mazungumzo na ujumbe kutoka kwa Baraza la Usalama la Umoja wa Mataifa.

Bw Kiir alikuwa awali amekataa kutumwa kwa wanajeshi hao 4,000 kutoka mataifa ya kanda, akisema huo ni ukiukaji wa uhuru wa Sudan Kusini.

• UN yaidhinisha kuongeza wanajeshi Juba
• John Kerry aitaka Sudan Kusini kukubali wanajeshi 4000 wa UN

UN iliidhinisha kutumwa kwa wanajeshi hao baada ya kuzuka upya kwa vita baina ya wanajeshi waaminifu kwa Bw Kiir na aliyekuwa makamu wake wa rais Dkt Riek Machar mwezi Julai mjini Juba.

Kikosi hicho cha ziada kitakuwa na mamlaka zaidi kushinda kikosi cha sasa cha wanajeshi 13,000 ambacho kimekuwa kikihudumu nchini humo.

Mshirikishe mwenzako

TOA MAONI YAKO HAPA CHINI