» » Serikali yampa Gwajima masharti ya kuingiza ndege yake nchini

Siku moja baada ya Kiongozi Mkuu wa Kanisa la Ufufuo na Uzima, Askofu Joesphat Gwajima kusema kuwa ataileta Tanzania ndege yake binafsi, Mamlaka ya Usafiri wa Anga Tanzania (TCAA) imekana kuwa na taarifa kuhusu ujio wa ndege hiyo.

Ofisa Habari wa TCAA, Ali Changwila alisema kuwa hawana taarifa kwamba Askofu Gwajima ana mpango wa kuingiza ndege yake nchini.

Juzi Askofu Gwajima alithibitisha kununua ndege hiyo aina ya Gulfstream N60983 yenye thamani ya Tsh 2.64 kwa ajili ya kuendeleza ufalme wa Mungu.

Askofu Gwajima aliweka picha katika ukurasa wake wa Instagram akiwa amesimama mbele ya ndege hiyo ambapo alisema karibuni itawasili Tanzania kwa ajili ya shughuli zake za injili.

TCAA imesema kuwa Mtanzania yeyote anayenunua ndege nje ya nchi na kutaka kuiingiza nchini anatakiwa kwanza kuitaarifu mamlaka hiyo ili iweze kuwa na taarifa kamili. Aidha, alisema kabla ndege hiyo haijaingizwa nchini ni lazima wataalamu wa TCAA wajiridhishe kuwa wanaifamahu na ifanyiwe ukaguzi.

TCAA imesema ndege hukaguliwa kabla haijaingizwa nchini ili kujirisha kuwa inakidhi vigezo vya Shirika la Kimataifa la Usafiri wa Anga (ICAO).

Mbali na vigezo hivyo, wanakagua pia kama ina vyeti vya usajili, historia yake, imekwisha muda wake? imeshakatazwa kusafiri? Ukaguzi wote huo ni kuepuka kutumia ndege ambayo muda wake wa matumizi umepita, kwani baadhi ya watu huuza ndege ambazo muda wake wa kutumia umekwisha.

Baada ya wataalamu kujiridhisha na vyote hivyo, ndege hiyo itatakiwa kujaza fomu ya TCAA ili iweze kufuata sheria za nchi ambapo itaelezwa itarushwa na rubani gani na itatumia viwanja gani.

Pakua App Yetu-Bofya Hapa Flower
TOA MAONI YAKO HAPA CHINI

About 4sn news

Hi my name is Gasto Alex Didas from Mwanza Tanzania I'm blog manager and I have an App which is called 4sn News, my office is located in Rock City Mwanza-Tanzania at Miembeni "B" Street. My contacts +255769436440/ +255659750504 Welcome.
«
Next
Newer Post
»
Previous
Older Post

No comments:

Popular Articles

MBUNGE MABULA AKAGUA SHULE NNE MPYA ZA MSINGI, ZENYE THAMANI YA TSH 1.174 BIL, ASHAURI HALMASHARI KUTUMIA MCHORO MPYA WA TAMISEMI KUOKOA MADARASA 3 KILA SHULE

Mhe. Stanslaus Mabula Mbunge Jimbo La Nyamagana amefanya ziara ya kikazi katika Kata nne za halmashauri ...