Mataifa 4 ya kiarabu yaipa Qatar masharti 13 kuafikia la sivyo itengwe

Haki miliki ya pichaAFPImage captionSaudia imefunga mpaka wake wa ardhini kati yake na Qatar

Mataifa manne ya kiarabu yameitumia Qatar masharti 13 ambayo ni sharti iafikie iwapo inataka kuondolewa vikwazo kulingana na vyombo vya habari.

Saudia, Misri, UAE na Bahrain zinataka taifa hilo kufunga kitu chake cha habari cha Aljazeera.

Pia wanaitaka Qatar kupunguza ushirikiano na Iran na kufunga kambi moja ya wanajeshi ya Uturuki katika kipindi cha siku 10 pekee.

Madhara yatakayoletwa na kuitenga QatarQatar yaapa kutosalimu amri UarabuniIndia kuwasafirisha raia wake kutoka QatarMataifa ya Kiarabu yajitenga na Qatar

Qatar imekana kufadhili magaidi hatua inayosababisha ukosefu wa usalama katika eneo hilo.

Taifa hilo limekabiliwa na vikwazo vya kidiplomasia na kiuchumi kwa kipindi cha wiki mbili ikiwa ni mgogoro mbaya zaidi wa kisiasa kati ya mataifa hayo ya Ghuba kwa miongo kadhaa.

Image captionRamani ya majirani wa taifa la Qatar

Orodha hiyo ilitangazwa baada ya waziri wa maswala ya kigeni nchini Marekani Rex Tillerson kuwaambia majirani wa Qatar ''kuweka mahitaji yao na kuchukua hatua''.

Waandishi wanasema kuwa Marekani ambayo inataka kutatua mzozo huo imekuwa na matatizo, kuhusu kipindi cha Saudia na mataifa mengine kuweka rasmi mahitaji yao.

Hakujakuwa na majibu ya moja kwa moja kutoka Qatar lakini waziri wa maswala ya kigeni Sheikh Mohammed bin Abdulrahman al-Thani alisema awali kwamba Qatar haitafanya majadiliano yoyote hadi pale vikwazo hivyo vitakapoondolewa.

Pakua App Yetu-Bofya Hapa

TOA MAONI YAKO HAPA CHINI