Polisi wapambana na raia wa Uturuki, Uholanzi

Haki miliki ya pichaREUTERS

Image captionBaadhi ya waandamanaji 1,000 walimiminika barabarani nje ya Ubalozi wa Uturuki mjini Rotterdam

Maafisa wa polisi wa kupambana na fujo nchini Uholanzi, wametumia michirizi ya maji, kuwatawanya waandamanaji wa Uturuki, waliokuwa wakifanya ghasia katika mji wa pili kwa ukubwa nchini humo wa Rotterdam.

Waziri mkuu wa nchi hiyo, Mark Rutte, ameelezea ziara ya Waziri wa maswala ya Familia wa Uturiki kuzuru Uholanzi kuhutubia mkutano wa kisiasa, kama uliokosa uwajibikaji.

Waandamanaji hao walikuwa wakipinga hatua ya Uholanzi ya kuzima mkutano wa kisiasa, kuhusiana na kura ya maoni ya kuuendeleza utawala wa Rais wa Uturuki Recep Tayyip Erdowan utakaofanyika mwezi ujao wa Aprili.

Haki miliki ya pichaAFP

Image captionPolisi wa kupambana na fuja wawakabili waandamanaji wa Uturuki, Roterdam mapema Jumapili

Waziri wa maswala ya Familia wa Uturuki alikuwa amefika nchini humo, ili kuwahutubia raia wa Uturuki walioko Uholanzi, lakini mkutano huo ukatawanywa na maafisa wa polisi ambao walimsindikiza hadi mpakani mwa Ujerumani.

Ameelezea hatua hiyo ya polisi kama ukiukaji mkubwa wa haki za kibinadamu na demokrasia.

Tayari utawala wa Uholanzi, ulikuwa umepiga marufuku mkutano huo, kwa sababu ya kiusalama, huku wakimzuia waziri wa mashauri ya nchi za kigeni wa Uturuki kusafiri nchini humo, ili kuhudhuria mkutano huo.

Mshirikishe mwenzako

Tuma picha/ habari what-sap 0769436440

BONYEZA HAPA KUPATA APP YA 4SN NEWS

https://play.google.com/store/apps/details?id=com.sn.news&hl=en

tupe maoni yako

Pakua App Yetu-Bofya Hapa

TOA MAONI YAKO HAPA CHINI