USHINDI HATIMAYE- SOMO: TUFANYEJE?

USHINDI HATIMAYE- TUFANYEJE?

MHUBIRI: Mchungaji David Mbaga
MAHALI: Kanisa la Waadventista Wasabato Mabatini Mwanza

MAFUNGU: Ufun 17:3-5;1korinth 11:2;Ufun 12:1-17;Isaya 51:16;Ezek 4:6;Yerem 6:2

“Joka akamkasirikia yule mwanamke, akaenda zake afanye vita juu ya wazao wake waliosalia, wazishikao amri za Mungu, na kuwa na ushuhuda wa Yesu..” (Ufununo 12:17)

Katika biblia lugha ya kiunabii Joka humaanisha Ibirisi(Shetani), mwanamke anawakilisha Kanisa. Biblia ikisema mwanamke kahaba maana yake ni kanisa linafundisha kinyume na Mwenyezi Mungu. Na biblia ikisema Mwanamke safi katika unabii anawakilisha kanisa la Mungu.Ushuhuda wa Yesu ni Maandiko Matakatifu(Biblia).

Ni bayana mbinu atumiayo shetani ni mafundisho potofu au maandiko nusunusu au kubadili Amri za Mungu na kuwafanya wanadamu wasizishike amri za Mungu kwani uadui wake ni dhidi ya kanisa lishikalo amri za Mungu na ushuhuda wa Imani ya Yesu. Vita kati ya Mungu na Shetani ni juu ya SHERIA ZA MUNGU, shetani anakataa kumtii Mungu akidai na yeye kuwa ni sawa na Mungu.Si kila ahubiriye yuko upande wa Mungu,hata shetani joka wa zamani hutumia vifungu vya biblia kutetea hoja zake zisizo na mashiko na siyo kuiacha Biblia nzima ijipambanue kwa uhalisia wa hoja.

Na katika hili ieleweka kwamba kipimo cha Imani yako ni Biblia takatifu ambayo ina muelezea Mungu kama MFALME wa Mbingu na Nchi na Si mwanademokrasia au Mungu wa wengi wape.Maana Yeye mwenyewe alisema “Usiwe na miungu mingine ila Mimi. Mawazo ya wataalamu, na tafsiri potofu za Biblia wanazoeleza watu wa sayansi, na mashauri hayana nafasi kwani Mungu atakuwa na watu wenye kushika Biblia na mafundisho yake peke yake, kuwa ndiyo kanuni ya maisha.

Kanisa la Mungu ni lile ambalo kuinuka kwake, kunakuja baada ya miaka 1260 yaani baada ya mwaka 1798 na kushambuliwa na Shetani (Uf. 12:6, 17). Lina imani ya Yesu na linatii amri za Mungu zisizobadilika (Kut. 20: 1- 17) na lina ushuhuda wa Yesu ambao ni Roho ya Unabii (Uf. 19:10).

Mungu anapotuma maonyo, hutazamia kuwa kila mtu atatega sikio na kuyajali, lakini makundi mengi hawaelewi ukweli huu muhimu. Wale wanaojitahidi kushika amri za Mungu, watapingwa na kudhihakiwa. Ili kusudi waweze kusimama na kushinda, ni lazima wafahamu mapenzi ya Mungu jinsi yalivyofunuliwa katika Biblia.LIFATE KANISA LA MUNGU ALIYE HAI, HAJAKUFICHA BALI AMEKUONESHA. AMEN

Tuma picha/ habari what-sap 0769436440

tupe maoni yako

Pakua App Yetu-Bofya Hapa

TOA MAONI YAKO HAPA CHINI