Mabibi harusi wakabidhiwa silaha ya kujilinda India

Haki miliki ya pichaAP

Image captionMamia ya mabibi harusi katika arusi ya halaiki wamepewa silaha ya kujilinda dhidi ya waume zao wanaponyanyaswa.

Mamia ya mabibi harusi katika arusi ya halaiki wamepewa silaha ya kujilinda dhidi ya waume zao wanaponyanyaswa.

Ujumbe kama ''tumia dhidi ya mlevi'' umeandikwa katika ubao huo ulio na urefu wa sentimita 40 na hutumika sana kundoa uchafu katika nguo.

Gopal Bhargava , waziri wa maswala ya ndani nchini humo alisema kuwa anataka kuangazia swala la unyanyasaji wa wanawake waliopo katika ndoa.

• Talaka tatu marufuku India
• Mwanamke "afufuka" India
• Facebook kuwa somo chuo kikuu India

Aliwaambia kujaribu kuafikiana na wanaume zao kabla ya kutumia ubao huo unaojulikana kama Mogri na hutumika sana kuondoa uchafu katika nguo,'' fanyeni mazungumzo mwanzo'',alisema.

Bwana Bhargava alichapisha picha za mabibi harusi waliobeba mbao hizo katika ukurasa wake wa facebook.

Aliambia chombo cha habari cha AFP kwamba amekuwa na wasiwasi kuhusu idadi ya wanawake wa mashambani ambao hunyanyaswa na wanaume walevi

''Wanawake wanasema kwamba kila wanaume wao wanapokunywa na kulewa chakari wanawapiga''.

''Fedha walizohifadhi huchukuliwa na kutumiwa kununua pombe'', alisema.

''Hakuna dhamira ya kuwachochea wanawake kufanya ghasia lakini ubao huu ni wa kujilinda dhidi ya ghasia''.

Haki miliki ya pichaHINDUSTAN TIMES

Image captionMabibi harusi hupewa ubao ili kujilinda dhidi ya unyanyasaji unaofanywa na wanaume zao

Bwana Bhargava anayetoka katika chama cha Janata Party cha waziri mkuu wa India Narendra Mody anasema kuwa ameagiza mbao 10,000 kwa jumla.

Takriban mabibi harusi 700 walipokea mbao hizo katika harusi ya halaiki nyumbani kwake huko Garhakota wikendi iliopita.

Harusi za halaki hufanywa ili kuwasaidia watu wenye mapato ya chini kufunga ndoa bila kulipia hafla hiyo.

Vyombo vya habari vinasema kuwa ilikuwa njia ya kupata uungwaji mkono kabla ya uchaguzi wa mwaka ujao.

Tuma picha/ habari what-sap 0769436440

BONYEZA HAPA KUPATA APP YA 4SN NEWS

tupe maoni yako

Pakua App Yetu-Bofya Hapa

TOA MAONI YAKO HAPA CHINI