Njaa yaweka rehani ubunge wa Zitto

Zitto Kabwe, Kiongozi wa ACT na mbunge wa Kigoma Mjini akihutubia wananchi katika moja ya kampeni zake

ZITTO Kabwe, Kiongozi wa Chama cha ACT Wazalendo na Mbunge pekee wa chama hicho ametangaza kujiuzulu ubunge wake iwapo serikali ya Chama Cha Mapinduzi (CCM), itathibitisha kuwa akiba ya chakula inayofikia tani milioni 1.5, anaandika Charles William.

Zitto ambaye ni Mbunge wa Jimbo la Kigoma Mjini ametoa msimamo wa kujiuzu kupitia ukurasa wake wa mtandao wa Facebook na Twitter.

“Serikali ya CCM ikinionesha tani 1.5 milioni za chakula ambazo inataka kusambaza, najiuzulu Ubunge mara moja. Narudia, mpaka Oktoba 2016 kulikuwa na nafaka tani 90,400 tu kwenye maghala yote ya NFRA.
“Tunashukuru kuwa Hivi sasa ajenda ya tishio la njaa inapata majawabu na matamko. Ndio wajibu wa vyama vya siasa. Kuibua masuala muhimu kwa nchi yetu,” ameandika Zitto.

Serikali ya awamu ya tano chini ya Rais John Magufuli imekuwa ikisisitiza kuwa taifa halijakumbwa na njaa na hakuna chakula cha msaada ambacho serikali itakipeleka kwa wananchi, bali wananchi wafanye kazi kwa bidii ili kujipatia kipato halali.
Hata hivyo, katika baadhi ya maeneo ya nchi, zimeripotiwa taarifa za kuwepo kwa uhaba wa chakula unaotokana na ukame kiasi cha kusababisha vifo vya mifugo kwa kukosa malisho.

Pakua App Yetu-Bofya Hapa

TOA MAONI YAKO HAPA CHINI