Kabila kuwa madarakani hadi mwaka ujao

• 24 Disemba 2016

Image copyright Getty Images

Image caption Kabila ataandoka madarakani mwishoni mwa mwaka ujao

Wapatanishi katika Jamhuri wa Kidemokrasia ya Congo, wameandaa mwafaka wa kuhakikisha kuwa madaraka yanapokezwa kwa njia ya amani.

Mashauriano yaliyoandaliwa na Kanisa Katoliki, yanafuatia kukataa kwa Rais Joseph Kabila, kuondoka madarakani baada ya utawala wake wa mihula miwili kukamilika.
Chini ya mapatano hayo Rais Kabila ataendelea kuwa Rais hadi wakati wa uchaguzi ifikapo mwisho wa mwaka ujao.

• Upinzani na serikali waafikiana DRC
• Wasiwasi DR Congo muhula wa Kabila ukifikia kikomo

Waziri Mkuu mpya atachaguliwa kutoka kwa upande wa upinzani na mpango huo utasimamiwa na mkongwe wa upinzani, Etienne Tshisekedi.
Mwandishi wa habari wa BBC, alisema kuwa ingawa kuna ripoti kuwa pande kinzani zimekubaliana kwa maswala fulani, haiwezekani sahihi za mkataba huo kutiwa sahihi kabla Krismasi.
Kukataa kwa Bwana Kabila kuondoka madarakani na kuahirishwa kwa uchaguzi kumesababisha maandamano makali katika barabara kuu za miji nchini Jamhuri ya Kidemokrasia ya Congo.

Mshirikishe mwenzako

Asante kwa kutembelea Blog yetu washirikishe na wenzako, Pia tunaomba maoni yako hapa au tupigie kwa (+255) 0769436440 Karibu Tena

Pakua App Yetu-Bofya Hapa

TOA MAONI YAKO HAPA CHINI