KAMA KAWAIDA KILA SIKU NAKULETEA TARIFA KUBWA ZINAZO TUFIKIA KUTOKA DUNIANI KOTE

Italia: Ibada yafanyika kwa ajili ya waliokufa katika tetemeko la ardhi

Mshirikishe mwenzako

Ibada ya wafu imefanyika nchini Italia kwa ajili ya watu 290 waliofariki dunia katika tetemeko kubwa lililoikumba nchi hiyo siku ya Jumatano wiki hii.

Siku ya kitaifa ya maombolezi imeanza nchini Italia, kuwaomboleza waathiriwa wa tetemeko kubwa la ardhi, lilokumba maeneo ya katikati mwa taifa hilo.

Waziri mkuu wa Italia Matteo Renzi amehudhuria mazishi ya mazishi ya kitaifa ya waliofariki dunia katika eneo lililopata pigo kubwa, Arquata.

Image copyrightAFP

Image captionWaziri mkuu wa Italia Matteo Renzi (kushoto) alihudhuria misa pamoja na mkewe Agnese

Hali ya tahadhari imetangazwa katika maeneo yaliyoathirika.

Zaidi ya watu 280 wanaaminika kwamba wameaga dunia.

Takriban watu 400 kwa sasa wanatibiwa hospitalini.

Matumaini ya kupata watu wakiwa hai kwenye vifusi vya majengo yaliyobomolewa yanafifia baada ya siku tatu za uokoaji.

Raia wengi wa Italia waliaga dunia, pamoja na raia kadhaa wa kigeni.

Image copyrightREUTERS

Image captionTetemeko la ardhi liliharibu majengo ya kihistoria.

Bendera ya taifa hilo inapeperushwa nusu mlingoti.

Zaidi ya watu 200 waliuwawa katika eneo la Amatrice pekee.

Watu 2,000 wameachwa bila makao.

Tetemeko la ardhi lilikuwa na nguvu ya 6.2 katika vipimo vya Richter, lilitokea mapema jumatano, kaskazini mashariki mwa mji mkuu wa Italia Roma.

Image copyrightREUTERS

Image captionMazishi ya kitaifa ya watu kadhaa yanafanyika Jumamosi

TICAD: Japan yaahidi Afrika msaada wa dola bilioni 30

shirikishe mwenzako

Image copyrightPSCU

Image captionWaziri mkuu wa Japan Shinzo Abe akihutubu wakati wa ufunguzi wa kongamano la maendeleo barani Afrika, Kenya, 27 Agosti 2016

Waziri mkuu wa Japan Shinzo Abe ameahidi dola bilioni 30 za kufadhili miradi ya maendeleo barani Afrika, pamoja na msaada kwa kipindi cha miaka 3 ijayo, kwa lengo la kuimarisha ukuaji na biashara barani Afrika.

Theluthi ya pesa hizo itatumika kufadhili miradi ya miundo mbinu.

Bwana Abe ametoa ahadi hiyo wakati wa ufunguzi wa kongamano la maendeleo barani Afrika nchini Kenya.

Kwa mara ya kwanza kongamano la sita la kimataifa la Tokyo kuhusu maendeleo barani Afrika (TICAD-VI) limeandaliwa barani Afrika.

Kongamano hilo limevutia wajumbe 10,000 na marais zaidi ya thelathini kutoka nchi za afrika, ambapo Japan inajaribu kurejesha ushawishi wake wa awali, na masoko ya nje, ambayo yamenyakuliwa na Uchina.

Image copyrightPSCU

Image captionWawakilishi wa mataifa ya bara Afrika katika kongamano la sita la Tokyo la maendeleo barani Afrika, Nairobi, Kenya

Chombo cha anga za mbali cha NASA chamudu kuichunguza sayari ya Jupita

Mshirikishe mwenzako

Image copyrightNASA

Image captionChombo cha NASA -Juno kitasafiri mara 30 kuzunguka sayari ya Jupita wakati wa safari yake itakayomalizika mwaka 2018

Shirika la safari za anga za mbali la Marekani NASA limetuma chombo chake kilometa elfu kadhaa kutoka kwenye mawingu madogo juu ya sayari ya Jupita, sayari kubwa zaidi katika mfumo wa jua.

Hakuna Setilaiti nyingine iliyowahi kusafiri karibu sana na Jupita katika awamu kuu ya safari yake.

Chombo hicho cha anga za mbali- Juno spacecraft- kilisafiri kilomita 200,000 kwa saa kilipopitia tu , kwa matumaini ya kuchukua picha na taarifa kuhusu sayari hiyo na mfumo wake wa hali ya hewa.

Shirika la NASA linachunguza sayari hiyo imeundwa na nini, na muundo wake kwa ujumla.

Chombo hicho kiliingia kwenye uzio wa Jupita tarehe 5 Julai baada ya kusafiri kwa miaka mitanno, safari ya kilomita bilioni 2.8 kutoka duniani.

Chombo hicho kinatarajia kupita tena kwenye sayari ya Jupita mara thelathini na tano kabla ya safari yake kumalizika mnamo mwaka 2018.

Mabomu ya mapipa yawauwa watu 15 katika mji wa Aleppo

Mshirikishe mwenzako

Image copyrightAFP

Image captionMatumizi ya mabomu ya mapipa, yanayosababisha hasara kubwa, yamekuwa yakitumiwa sana katika mzozo wa Syria

Wanaharakati nchini Syria wanasema kuwa watu 15 wameuawa katika mashambulio ya mabomu ya anga yaliyorushwa kwenye wilaya inayodhibitiwa na waasi ya Aleppo.

Afisa wa Uangalizi wa masuala ya haki za binadamu nchini Syria mwenye makao yake nchini Uingereza amesema kuwa ndege za utawala wa Syria zilirusha vilipuzi viwili vilivyosheheni makombora yaliyotengenezwa ndani ya mapipa kwa dakika kadhaa tofauti ambayo yaliangukia karibu na hema ambako jamaa wa watu waliouawa kwa mabomu wiki iliyopita walipokuwa wakipokea rambi mbali.

Walioshuhudia tukio hilo wanasema bomu la kwanza liliuvutia umati wa watu kukimbilia eneo la tukio, ambako bomu jingine lilipiga na kuwauwa watu zaidi na kuharibu gari la kubebea wagonjwa.

Inaaminiwa kuwa makumi kadhaa ya watu wamejeruhiwa na idadi ya vifo inatarajiwa kuongezeka.

Mazungumzo ya hivi karibuni baina ya mawaziri wa mambo ya nje wa Marekani na Urusi kuhusu kuanzishwa upya kwa muda wa usitishaji mapigano kote nchini Syria yalimalizika bila mafanikio.

Mshirikishe mwenzako

Pakua App Yetu-Bofya Hapa

TOA MAONI YAKO HAPA CHINI